20/05/2010
Sumarháskóli RSE verður starfræktur í fimmta sinn. Í ár verður fjallað um ýmsar grundvallarspurningar um hugmyndafræði stjórnmála og efnahagsmála, undir yfirskriftinni Barátta hugmyndanna. Á hvaða grunni verður samfélag nýrra tíma reist?
Í Sumarháskóla RSE verður sem endranær boðið upp á fróðlega fyrirlestra og örvandi umræður. Meðal annars verður fjallað um fjármálakerfi og gjaldmiðla, markaðsfrelsi og höft, opinbera reglusetningu, einkarekstur, ríkisrekstur og markaðsbresti, pólitíska rétthugsun, hina svokölluðu bannvæðingu og margt margt fleira.
Kennsla, gisting og málsverðir eru innifaldir í þátttökugjaldi sem er aðeins krónur 5.000. Um er að ræða einstakt tækifæri fyrir ungt áhugafólk um þjóðfélagsmál til að kynnast nýju fólki og nýjum hugmyndum.
Vilt þú taka þátt?
Sendu umsókn á gislifreyr@simnet.is eða hafðu samband í síma 899 5926.
Dagskrá Sumarháskóla RSE verður kynnt hér á síðunni von bráðar.
10/09/2008
Franski blaðamaðurinn og rithöfundurinn Henri Lepage verður hér á landi í haust og heldur erindi á opnum fundi RSE. Fundurinn verður haldinn á Þjóðminjasafninu 2. október næstkomandi kl. 12. Lepage hefur komið víða við í umfjöllun um þjóðfélagsmál og í ríkum mæli fjallað um klassíska frjálshyggju. Þekktasta verk Henri Lepage er líklega bókin Demain, le capitalisme (Á morgun, kapítalismi) sem kom út árið 1978.
Lesa meira »
12/06/2008
Dr. Tom Palmer sem verður gestur RSE helgina 13.-15. júní og aðalfyrirlesari á Sumarháskóla RSE, heldur erindi á opnum fundi hjá Sambandi ungra sjálftæðismanna á efri hæð Café Sólon föstudaginn 13. júní um áhrif alþjóðavæðingar á einstaklingsfrelsi og efnahagslegt frelsi. Fundurinn hefst kl. 12.
31/05/2008
RSE, Viðskiptablaðið og Viðskiptaráð standa fyrir morgunverðarfundi um efnahagsmál föstudaginn 6. júní nk. í Háskólanum í Reykjavík 3. hæð, kl. 8.15. Dr. Eamonn Butler, forstöðumaður Adam Smith Institute í London og höfundur bókarinnar The Best Book on The Market flytur erindi um efnhagsmál, stjórnmál og hið frjálsa hagkerfi.
Lesa meira »
9/05/2008
Sumarháskóli RSE, verður starfræktur helgina 13. – 15. júní næstkomandi við Háskólann á Bifröst undir yfirskriftinni, Frelsi og alþjóðavæðing. Sérstakur gestur í sumarháskólanum í ár verður Dr. Tom Palmer, frá Cato stofnuninni í Bandaríkjunum. Meðal annars verður vikið að mannréttindamálum í heiminum og áhrif alþjóðavæðingar á einstaklingsfrelsi og efnahagslegt frelsi. Velt verður upp spurningum um skattalega samkeppni ríkja, um baráttuna við ýmis umhverfisvandamál og áhrif alþjóðavæðingar fjármálamarkaða á stöðugleika lítilla ríkja með eigin gjaldmiðla.
Lesa meira »
25/03/2008
RSE fréttabréfið kemur út nokkrum sinnum á ári.
2/03/2008
RSE stendur fyrir málþingi um eignarrétt á landi, þjóðlendulögin og framkvæmd þeirra í Snorrastofu, Reykholti laugardaginn 8. mars n.k., ásamt Árnastofnun, Snorrastofu og Búnaðarsamtökum Vesturlands. Fræðimenn og sérfræðingar á sviði lögfræði og sagnfræði fjalla þar um eignarrétt og landnám í sögulegu ljósi. Um kirkjueignir á fjalllendi og afrétti og um heimildagildi Landnámu. Þá verður einnig fjallað um inntak eignarréttar á landi með hliðsjón af dómaframkvæmd, um þjóðlendulögin og hvaða áhrif framkvæmd þeirra hefur haft á stöðu eignarréttarins. Einnig verður fjallað um lagaframkvæmdina með hliðsjón af eignarréttarvernd Mannréttindasáttmála Evrópu og Mannréttindadómsstólsins. Að loknum framsögum og fyrirspurnum verða pallborðumræður með fulltrúum stjórnmálaflokka.
Lesa meira »
7/02/2008
RSE Centre for Social and Economic Research, is an independent, non partisan, non-profit organization in Reykjavik, Iceland, founded in 2004. Its mission is to further the understanding of private property and free-market ideas in a progressive, democratic society. RSE achieves its mission through publications and conferences. Its work is assisted by a council of academic advisors of the highest standard from various academic fields. RSE is funded entirely by voluntary contributions from its supporters.
29/11/2007
Þriðjudaginn 4. desember næstkomandi stendur RSE fyrir málþingi um eignarrétt á auðlindum í jörðu. Fjallað verður um hverjir eigi auðlindirnar og hvernig eignarhaldi sé best fyrir komið. Málþingið fer fram á Hóteli Sögu (salur Harvard 2. hæð) og hefst kl. 16:00. Framsögumenn verða Karl Axelsson hæstaréttarlögmaður og dósent við Háskóla Íslands og Ragnar Árnason prófessor við Háskóla Íslands.
Lesa meira »
15/11/2007
Vakin er athygli á málþingi um áhrif skattalækkana, sem Félagsvísindastofnun Háskóla Íslands efnir til í hádeginu, föstudaginn 16. nóvember næstkomandi, í samstarfi við Samtök atvinnulífsins og ýmsa aðila. Þar mun einn kunnasti hagfræðingur heims, prófessor Arthur B. Laffer, tala um árangur af skattalækkunum. Laffer vakti heimsathygli, þegar hann setti fram þá kenningu á 8. áratug 20. aldar, að skatttekjur ríkisins þyrftu ekki að minnka, heldur gætu jafnvel aukist, þegar skattar væru lækkaðir.
Lesa meira »
12/09/2007
Vakin er sérstök athygli á málstofu um skattalækkanir og fjármálamiðstöðvar, sem fer fram í Hátíðarsal Háskóla Íslands, föstudaginn 14. septeber nk. kl. 13:00. Þar mun dr. Hannes H. Gissurarson, prófessor í stjórnmálafræði við Háskóla Íslands, tala um íslenska efnahagsundrið og dr. Brendan Walsh, prófessor í hagfræði í University College í Dublin á Írlandi, tala um írska efnahagsundrið. Einnig mun dr. Georges Baur frá Liechtenstein flytja erindi.
Lesa meira »
25/08/2007
Fimmtudaginn 30. ágúst næstkomandi stendur RSE fyrir ráðstefnu um sjávarútvegsmál. Þar verður velt vöngum yfir því hver áhrif kvótakerfið hefur haft á stöðu þorskstofnsins annars vegar og sjávarbyggðanna hins vegar. Framsögumenn verða Helgi Áss Grétarsson hjá Lagastofnun HÍ, Ragnar Árnason prófessor við HÍ, Sveinn Agnarsson hjá Hagfræðistofnun HÍ og Ásgeir Jónsson hjá Kaupþingi. Fundurinn fer fram í stofu 101 í Odda og hefst kl. 16:15.
Lesa meira »
14/08/2007
Fimmtudaginn 23. ágúst næstkomandi mun RSE standa fyrir ráðstefnu um áhrif aukins efnahagslegs frelsis á stöðu gjaldmiðla í heiminum. Framsögumenn verða Benn Steil, forstöðumaður alþjóðahagfræðisviðs hjá Council on Foreign Relations, Gabriel Stein, aðalhagfræðingur alþjóðahagfræðisviðs hjá Lombard Street Research, Manuel Hinds, fyrrum fjármálaráðherra El Salvador og Ársæll Valfells, lektor við viðskipta- og hagfræðideild Háskóla Íslands. Ráðstefnan verður á Hótel Nordica (salur H+I) og stendur milli kl. 16:10 og 18:30. Fundarstjóri er Illugi Gunnarsson, alþingismaður.
Lesa meira »
12/07/2007
RSE er sjálfstæð og óháð rannsóknarmiðstöð, sem hefur það að markmiði að efla skilning á mikilvægi eignaréttar og frjálsra viðskipta fyrir framsækið lýðræðislegt samfélag. Stofnunin vinnur að markmiðum sínum m.a. með rannsóknum, funda- og ráðstefnuhaldi, fræðslustarfsemi og margskonar útgáfu. Bloggsíða RSE er hluti af þessu starfi. Miðlað verður áhugaverðu efni á verkefnasviðum stofnunarinnar. Um er að ræða lifandi miðil þar sem hugmyndum er komið á framfæri í tilefni af þjóðfélagsumræðum hvers tíma.
Það sem kemur fram á bloggsíðu RSE ber ekki að líta á sem stefnu stofnunarinnar, eða hugmyndir þeirra einstaklinga sem skipa stjórnir og ráð á hennar vegum. Ritstjóri og ábyrgðarmaður er Birgir Tjörvi Pétursson, framkvæmdastjóri RSE. Athugasemdir og fyrirspurnir beinist á birgir hjá rse.is.
Heimasíða RSE
12/07/2007
RSE er sjálfstæð og óháð rannsóknarmiðstöð, sem hefur það að markmiði að efla skilning á mikilvægi eignarréttar og frjálsra viðskipta fyrir framsækið lýðræðislegt samfélag.
Nánar um RSE-bloggið.
11/07/2007
Til að hafa samband við okkur hjá RSE:
RSE - Rannsóknarmiðstöð um samfélags- og efnahagsmál.
Kringlunni 1, 103 Reykjavík
Sími: 588-6300
Netfang: rse (a) rse.is
Veffang: www.rse.is
Framkvæmdastjóri: Birgir Tjörvi Pétursson birgir (a) rse.is (Gsm: 893 6300)
Rannsóknarráð: Ragnar Árnason ragnar (a) hi.is; Birgir Þór Runólfsson bthru (a) rse.is
2/07/2007
Vakin er athygli á ráðstefnu Félagsvísindastofnunar Háskóla Íslands um skattamál, sem haldin verður 26. júlí næstkomandi. Ráðstefnan er hluti af rannsóknarverkefni stofnunarinnar sem Hannes H. Gissurarson prófessor annast, en Hannes situr í rannsóknarráði RSE. Nánari upplýsingar um verkefni Félagsvísindastofnunar er að finna á vefnum, www.skattamal.is
Lesa meira »
29/05/2007
Þriðjudaginn 5. júní næstkomandi stendur RSE, í samvinnu við Háskólann í Reykjavík, fyrir málfundi um samkeppnishindranir á markaði og aðgerðir til að ryðja þeim úr vegi, í tilefni af útkomu nýrrar skýrslu RSE um efnið. Fundurinn verður haldinn í Háskólanum í Reykjavík kl. 9-11.30
Lesa meira »
16/05/2007
Helgina 6.-8. júlí verður sumarháskóli RSE starfræktur í annað sinn. Í ár er yfirskriftin Markaðshyggja og náttúruvernd. Boðið verður upp á fróðlega fyrirlestra og örvandi umræður, þar sem leitað verður svara við mörgum áleitnustu spurningum samtímans um auðlindanýtingu og umhverfismál. Þetta er einstakt tækifæri fyrir ungt áhugafólk um þjóðfélagsmál til að kynnast nýju fólki og nýjum hugmyndum.
Lesa meira »
2/02/2007
Fimmtudaginn 8. febrúar næstkomandi flytur sænski hagfræðingurinn Dr. Fredrik Bergström erindi um áhrif sænska skatta- og velferðarkerfisins á lífskjör meðal- og lágtekjufólks í Svíþjóð. Erindið verður flutt í Háskólanum í Reykjavík, Ofanleiti, og hefst kl. 16:00.
Lesa meira »